شامدان سورام اوتورموشتوم کیتاپ اوخوردوم کی آنام گلدی اتاقا و ددی گارداشی اونا چیلله‌لیک گتیریپ. ددی مچیدده گلمیشتی. بیرزاد دمیدم. دییمدیم. نه دییه‌بیلردیم کی؟ بیر ایکی ساعات گشدی. یادیما دوشمدی، گلمدی فکرمه هچ آدینی اششیتغیم. ساعات اون‌ایکی طرفلرینده بیر ویدیویا گوزوم دوشدی. نسیمی‌نین اله‌بیر کی اوز سسیدی کی شعرینی اوخوردی. هارداسان هارداسان دییه دییه، نجه حسرتله، نجه نیسگیلله. اوزومو ساخلییامادیم. بو بش ایلین هامیسی گوزومون قاباغیننان گشدی گئتی. تولستویون ساواش لا باریش کیتاپینداکی بیر جمله‌سی عقلیمه گلدی. اونا خیانت ائلین ناتاشایی یادینا سالان پرنس آندره‌ی اوچون بله یازمیشتی: اونون یارالارینا دوز سپمیه چوخ گریب بیر علاقه‌سی واردی. اله بودا. فقط بو. فقط بو بیرجمله. هله گل گور کی نه بیر کس منه خیانت ادیپ نه‌ده او منی سویپ اونا تای. آنام یاتاننان قاباغ ددی مچید گلممیشدی. هم نیه گلسین کی قیز اوشاغی گئجه وقتی. فکر الیرم کی بونلارین هامیسی بیر بهانه دی. بیر گورم زندگانیغا باغلانماغ دییخ یا دا بیر گورم آدامین اوزونه گوره دوزددیغی مشغولیت‌لر. آدام فکرلشنده هچ اینانمیر. اینانماسی دا گلمیر کی بش ایل گجیب گدیب‌دی. زندگانیغدی‌دا. بیر دن گوز آچیب باخدیغیمدا گورم کی کیرک ایل، اللی ایل گجیب. اوندادا اله ایندییه تای الیمده هچ بیر شی اولمایاجاغ. بیلیرم. بیلیرم کی من هچ بیر وقت یاشاماغی، اوپوسی انسان‌لارا تای زندگانیغ المغی باشارمایاجاغیم. یاشیم اولوپ ییرمی‌بش اما هله اله اونسچیز یاشیمداچی‌چیمین اوز باشیما دولانیرام. بیلمیرم بو یللر، کاسیرگالار منی هارایا آباراجاغ....
+ https://www.youtube.com/watch?v=a6S_eJuUQbI